Эх дэлхийн цаг
2010-03-01,20:49
“ЭХ ДЭЛХИЙН ЦАГ - 2010”
Дэлхийн 90 орчим улс орны 4000 гаруй хот, суурингууд уур амьсгалын эсрэг тэмцэхэд эв нэгдлээ илэрхийлнэ
Дэлхийн уур амьсгалын систем бүхэлдээ өөрчлөлтөнд орж, байгалийн онц үзэгдлийн давтамж ихэсч байгаа нь дэлхийн дулаарлаас үүдэлтэй билээ. Дулаарлын хүчин зүйлс нь үйлдвэрлэл үүн дотор эрчим хүчний үйлдвэрлэл, уул уурхай, мал аж ахуй, хог хаягдал, авто машинаас гарч буй хүлэмжийн хий юм.
Дэлхийн байгаль хамгаалах сан (WWF)-гаас уур амьсгалын өөрчлөлттэй тэмцэхэд хувь хүний ойлголтыг дээшлүүлж, оролцоог нэмэгдүүлэх зорилгоор “Эх Дэлхийн Цаг” хөтөлбөрийг 2007 оноос хойш хэрэгжүүлж, олон нийтийг нэгдэхийг уриалж байгаа билээ.
Иймд энэ оны 3-р сарын 27-ны өдрийн 20 цаг 30 минутаас эхлэн нэг цагийн турш олон нийтэд гэрлээ унтраахыг уриалж байна. Энэхүү уриалгад нэгдснээр эрчим хүчний үйлдвэрлэлээс гарах хүлэмжийн хийн ялгаруулалтыг бууруулахад бага ч гэсэн хувь нэмэр оруулах боломжтой. “Эх Дэлхийн Цаг”-ийн гол зорилго нь гэрэл унтрааж, цахилгаан хэмнэхдээ бус, харин уур амьсгалын өөрчлөлттэй тэмцэхэд хүний оролцоо чухал, хүн бүр хувь нэмрээ оруулбал эх дэлхийгээ аврах боломж бий гэдэгт олон нийтийн анхаарлыг хандуулахад оршино.
Анх 2007 онд Австралийн Сидней хотоос гараагаа эхэлсэн “Эх Дэлхийн Цаг”-т нийтдээ 2.2 сая айл өрх, албан байгууллагууд хамрагдан нэг цагийн турш гэрлээ унтраан оролцож байсан бол 2008 оноос энэхүү уриалга нь дэлхийг хамарсан хөдөлгөөн болон өргөжиж, 2009 онд 88 орны 4000 хотын 800 сая хүнийг хамруулж чаджээ.
Дэлхийн алдартай газарууд болох Сан Франциско дахь Голден гэйт гүүр, Ромийн Колоссейм театр, Сидней дэхь Дуурийн ордон болон Тайм талбайд байрладаг Кока Кола-ын сурталчилгааны самбар энэхүү уриалгыг дэмжиж буйгаа илэрхийлж нэг цагийн турш гэрлээ унтрааж байв.
Энэхүү мэдээг уншиж буй иргэн Та уур амьсгалын өөрчлөлтийн эсрэг эв нэгдлээ илэрхийлж ГЭРЛЭЭ ганцхан цагийн турш УНТРААГААРАЙ.
Эсвэл энэ өдөр Сүхбаатарын талбай дээр болох арга хэмжээнд найз нөхөд, гэр бүлийнхэнтэйгээ хамрагдаж бидэнтэй дуу хоолойгоо нэгтгээрэй!
Эх сурвалж. www.mongolia.panda.org
Сэтгэгдэл бичихСэтгэгдэл:
Хэхэх. Харин тхх. 5-р сарын сүүлийн 7 хоногийн бүтэн сайнд байж билээ. Төв зам дээр хөл бөмбөг тоглом билээ.
Энхмандах хэзээ бичсэн: 13:32, 2010-03-22 | |
Жилдээ ганц юм уу 2 удаа бол ч болноо асуудалгүй. А харин улиралд нэг, сард нэг, 7 хоногт нэг эн тэр гээд явчихвал ч дэлхийн цаг гэдэг юм утгаа алдаад эсрэг хөдөлгөөн, уриалга гарвал яана. Манайд жилд нэг удаа билүү машингүй өдөр гээд байдаг байсан одоо больчихсон юм уу. Нэг өдөр түгжрэл, машины сигналын чийртэй чимээнээс хол чих амар, гудамжаар гутлын чимээнээс өөр юм сонсогдохгүй сайхан шд. 
director хэзээ бичсэн: 13:30, 2010-03-22 | |
Чинзориг
Мартчихгүй л бол гэрлээ унтраах байх.Угаасаа ч зурагтаар ярина биз дээ.
1 цан гэрлээ унтраахад маш их алдагдал хүлээх компани зөндөө байгаа.Тэд нар ажиллах биз хаха
1 цан гэрлээ унтраахад маш их алдагдал хүлээх компани зөндөө байгаа.Тэд нар ажиллах биз хаха
Зочин хэзээ бичсэн: 01:37, 2010-03-22 | |
Энэ мартагдахгүй байхаа. Жил бүрийн энэ өдөр энэ цагтаа зохион байгуулдаг.
Цаашдаа жилд 2 удаа, бүүр цаашлаад улирад 1 удаа ч болохыг үгүйсгэхгүй.
Тэр ашгийн төлөөх байгууллагууд дэмжих байх гэж найднам.
Цаашдаа жилд 2 удаа, бүүр цаашлаад улирад 1 удаа ч болохыг үгүйсгэхгүй.
Тэр ашгийн төлөөх байгууллагууд дэмжих байх гэж найднам.
Энхмандах хэзээ бичсэн: 01:28, 2010-03-13 | |
дэмжмээр л санагдаж байна
гэвч яав мартаж орхино биз
тэгээд бас ашгийн төлөө гэдэг том үйлдвэрүүд...яах юм болдоо
гэвч яав мартаж орхино биз
тэгээд бас ашгийн төлөө гэдэг том үйлдвэрүүд...яах юм болдоо
g84 хэзээ бичсэн: 01:24, 2010-03-13 | |
