Ногоон блог

Зиак би бээр хэд хэдэн танилуудынхаа болон сүлжээнүүдээр дамжуулан "Монгол Блогчид 2010" -н тухай уншлаа. Ихэнхтэй нь би санал нэг байсан. Яахав анхны удаа хийж байгаа зүйл болохоор алдаа оноо байлгүй яахав. Гэхдээ ямар ч байсан зориглоод хийсэнд нь талархууштай...

Монгол блогчид 2010 гэх үйл ажиллагаанд би блогоо олны таашаалд нийцсэн блог, онигооныхоо блогийг шилдэг энтертаймент дээр нэр дэвшүүлсэн билээ. Яг үнэндээ би блогоо олны таашаалд биш өөр номинацид нэр дэвшүүлэх байсан. Бусад номинаци нь таарахгүй байсан болохоор арга буюу олны таашаалд нэр дэвшүүлсэн. Үүнээс харахад номинацийн сонголт цөөхөн байсан. Гэсэн хэдий ч миний блог маань амжилттай оролцож шилдэг 5 блогт үлдэж чадсан. Гэхдээ яаж гэдэг нь бас тодорхой бус. Хэдийгээр удирдамж дээрээ бичсэн байсан ч яаж шалгаруулсан далд байсан. Мөн шалгаруулчихаад ёслолын ажиллагаа дээр шилдгээр шалгарсан блогуудыг шалгаруулахдаа юу юуг анхаарсан, болохгүй зүйл нь юу байна гэдгийг хэлэх хэрэгтэй байсан болов уу. Тэгэх юм бол юун дээрээ бид нар засаж залруулах ёстой юм байна гэдгээ бодох байсан байх. Тэгвэл Монголын блогуудын чанар нь улам сайжрах байх. Ингэж байж л чанартай маш олон блогуудыг төрүүлэх болно гэж бодож байна. 

Зарим нэг дэвшүүлсэн блогуудыг харж байхад блог гэхээсээ илүү  сайт байх шиг байсан. Тиймэрхүү блогууд хандалт өндөр байх нь тодорхой...www.monkey.mn -с уншиж байхад блогууд ихэнх нь крилл биш латин үсгээр бичсэн байсан гэж бичсэн байсан. Шалгаруултан дээрээ надад санагдаж байгаа зүйл нь гэвэл латин үсэгтэй блогуудыг дэвшүүлэх хэрэг байна уу? та бүхэн энэ талаар өөрсдөө дүгнэнэ буй заа. Энэ миний шалгаруулалтын тухай бодол байлаа. 

Ингээд цаашаа явж байвал Дөлүгэнтэй уулзаад юм ярьж байгаад Твиттерийн андтайгаа танилцав. Тэр хавиар явж мөн Твиттер бичигч хүмүүстэй танилцсан. Энэ үеэр ерөнхий сайд ирэх гээд бөөн сүр болсон хамгаалагч нар. Бид нар ерөнхий сайдыг хөнөөхгүй нь лав. Тэгээд л юм яриад зогсож байгаад Моханикийхантай уулзсан. Удаан уулзаагүй бас л юм ярин зогсож байтал ерөнхий сайд ирэн ёслолын арга хэмжээ эхлэв. Тэнд ҮЭХ-ны тэргүүн Ганбаатар, Хас банкны захирал Ганхуяг, Ерөнхий сайд Батболд Твиттерийн нэгэн жиргээчин хүн хүндтэй суудал дээр сууж байлаа. Энэ 4 хүн 4 номинаци тус бүрийг зарлах хүмүүс. Эхлдээд Vanquish хамтлаг Блогчдод зориулсан дуугаа дуулсан. Дажгүй дуу байх шиг байсан. Дараа нь шилдэг нийгмийн блогийг шалгаруулангаа ерөнхий сайдад Твиттер данс нээж өгөв. Ингээд Ерөнхий сайдад үгээ хэлье гэсэн хүмүүс @batboldpm гэсэн нэрээр жиргэж болохоор боллоо. Шууд угсруулаад шилдэг бизнэс блогийг шалгаруулав. Хэсэг зуур завсарлагаа аван дараагийн 2 номинацийг шалгаруулав. Энэ хооронд Блогмн.нэт -н 3 танил маань ирцгээсэн. Ингээд 5-уулаа болов. Тэр хавиар би танилуудтайгаа мэнд мэдээд л явж байлаа. Тайзны 2 талд зассан самбар дээр өөрийнхөө бүртгэлтэй хаягуудаа бичээд үлдээв. Энэ зуур сугалааны эздийг шалгаруулсан. Ингэж ингэж явсаар байгаад Шилдгийг шилдэг блогийг шалгаруулсан. Тэгээд Моханик хамтлаг 5 дуу дуулсан байхаа. Тэнд байгаа хүмүүсийг ёстой доргиох шиг л болсон. Дараа нь дуудлага худалдаа. Дараа нь дараа жилийн уриа үгийг зохиох тэмцээн болсон. Эцэст бүжгийг цаг. Тэр үед нь би харьсан даа.. Нэг иймэрхүү л болох шив дээ. Зохион байгуулалт, Маркетинг бол сайн байсан. Гагцхүү яаж, ямар учраас шалгаруулсан нь бүрхэг үлдлээ гэж...