Шинэ жилийн баярын бялуу
2008-12-23,01:50
Шинэ жил дөхөөд ирэхээр хүн бүхэн л ширээн дээр байгаа зүйл нь бусдаас ямар нэг зүйлээр илүү, сайхан харагдахыг хүсдэг. Яагаад бялуугаараа сайхан харагдаж болохгүй гэж....
Ингээд та бүхэн бялуу хиймээр санагдвал доорхи аргаар хийж үзээрэй. Таны бялуу амттай болох байх. Танд амжилт хүсье..
Орц: Их биед. Гурил 300 гр, крахмал 3 хоолны халбага, өндөг 18 ш, сахар 400 гр, какоа 1 хоолны халбага, апельсиний шүүс.
Крем: Цөцгийн тос масло, 400 гр сахарын нунтаг 300 гр, 6 өндөгний шар, шоколад 100 гр, сүү 2 хоолны халбага, коньяк ванилин.
Хавчуурга: 200 гр абрикосын джем
Сироп. Сахар 100 гр, ус тал стакан, коньяак 1 халбага, лимоны шүүс
Их бие бэлдэх: Өндөгний цагааныг хөөсөртөл хутгаж сахар бага багаар нэмж уустал нь хутгана. Өндөгний шар, шигшсэн гурил, крахмал болон шүүсээ нэмж хутгана. Зуурмагаа гурван хэсэг болгож 200 хэмд 30 минут тус тусад нь жигнэж болгоно. Нэг хэсэгт нь какоа нэмээрэй. Ус, сахар, шүүсээ хольж сироп буцалгана. Коньяк нэмээд тортны их биеийг цацаж норгоно. Тортны доод үед нь джем бусдад нь крем түрхэнэ.
Крем бэлтгэх: Өндөгний шарыг нунтагтай хольж сэв сийтэл нь хутгана. Дээрээс нь сүүнд хайлуулсан шоколадыг бүлээнээр нь нэмж ууранд үргэлжлүүлэн хутгана. Нилээд өтгөрөөд ирэхээр нь авч хөргөөд зөөлрүүлсэн маслотой хольж крем зуурна. Эцэст нь коньяк ванилин нэмж өгөөрэй.
Ингээд л таны бялуу бэлэн боллоо.
бичсэн: Энхмандах төрөл: Хоолны жор |
